Trent Alexander-Arnold pritet që të pasurojë xhepat e tij tek Real Madridi, ku tashmë janë zbuluar detaje nga kontrata luksoze që ylli anglez pritet të nënshkruajë me ‘Los Blancos’.
Alexander-Arnold pritet që të largohet nga zona e rehatisë dhe t’i jap lamtumirën klubit të fëmijërisë në fund të sezonit, pasi dy palët nuk po arrijnë të gjejnë gjuhën e përbashkët për vazhdimin e bashkëpunimit.
Real Madridi e ka monitoruar situatën e tij tash e disa kohë. Ata thuhet se tashmë e kanë bërë gati kontratën në tavolinë dhe gjithçka që ka mbetur është nënshkrimi i lojtarit.
Sipas një përditësimi nga Sky Sports në Zvicër, Alexander-Arnold i ka dhënë fjalën Real Madridit se do të bëhet pjesë e tyre në fund të sezonit.
Sapo të mbërrijë në ‘Santiago Bernabeu’, Alexander-Arnold pritet të nënshkruajë një marrëveshje të vlefshme prej 15 milionë eurosh në vit, që është një rritje e madhe e pagës në krahasim me atë që përfiton tek Liverpooli.
Ai gjithashtu pritet që të ketë bonuse që lidhen me paraqitjet e tij si dhe një bonus nënshkrimi që është ekuivalent sikur të paguhet një shifër për transferimin e tij.
Liverpooli thuhet se ka bërë disa përpjekje për ta bindur atë që të rinovojë, por tashmë ata kanë bërë gati edhe zëvendësuesin e tij.
Sky gjithashtu raporton se Jeremie Frimpong (Bayer Leverkusen) është lojtari të cilin ‘Të Kuqtë’ e kanë objektiv kryesor për krahun e djathtë të mbrojtjes.
