Anduena Rifati ishte ballafaquar me një situatë interesante në fillim të karrierës si basketbolliste.
Fati i saj ishte i tillë, numri 13-të i bie në fanellë!
Deshi apo jo, u detyrua që të vishte me hatër apo me zor sepse ishin rrethanat e asaj kohe që nuk kishte kohë për të zgjedhur as për t’ia plotësuar dëshirat e numrave Anduenës, kohë okupimi dhe në rezistencë ndaj regjimit serb!
Ajo në debutimin e saj mori numrin 13-të.
Fillimisht iu duk i bukur, pastaj kur e kuptoj esencën e urrente e nuk donte të shihte as me sy.
Sepse kur janë ndarë numrat, Anduenës iu dha fanella me numër 13-të nga babai i saj, i ndjeri Tajari.
Në atëkohë, me hekurosje i kanë ngjitur numrat në fanellë.
Anduena kur e mori vesh se numri 13-të është simbol i numrit baksuz, ia nisi me qarë, e urrente numrin por që nuk i ndërrohej.
Pas një kohe, nga urrejtja ndaj këtij numri, iu kthye në dashuri të zjarrtë sportive. Kur ka filluar me pas suksese si basketbolliste e ka mbrojt më shumë dinjitet numrin dhe të njëjtin numër e ka mbajt në shpinë edhe në kombëtare, kurrë se ka ndërru deri në fund të karrierës.
Nga lotët e duke qarë e mallkuar këtë numër, sot Anduena i buzëqeshet numrit 13-të sepse i sollin fat të madh në basketboll.
Sot në dhomën e saj e ka fanellën me numër 13-të, si simbol të krenarisë e të suksesit jetësor duke harruar se në atëkohë i dukej numër baksuz.
