Tierri Henri ka qenë pjesë e stafit të analistëve të “CBS” në Ligën e Kombeve “Concacaf”, e cila u fitua nga Meksika dje në të gdhirë.
Ish-sulmuesi francez, duke komentuar ecurinë e Shteteve të Bashkuara që u eliminuan nga Panamja, ka deklaruar: “Mjaft me përalla! Ndoshta Pulisiç nuk është ai lloj lideri karizmatik që të gjithë pretendojnë dhe le të mos e detyrojmë të jetë i tillë. Ai është një lider teknik.
Gatuso nuk ishte Pirlo dhe anasjellas. Si lojtar, është më i miri në kombëtare, por a është ai lloji i lojtarit që flet në fushë? Jo, nuk është. Me siguri është i aftë në shumë gjëra, por ndoshta ai nuk e ka atë lloj lidershipi, siç e kishte dikur Dempsei, që sot shihet si legjendë”.
PANORAMASPORT.AL
