Randal Kolo Muani u huazua në merkaton e janarit nga PSG te Juventus deri në fund të sezonit, pa të drejtë blerjeje. Sulmuesi francez ka bërë paraqitje shumë të mira me bardhezinjtë, të cilët synojnë ta mbajnë atë dhe për sezonin e ri.
Plani i Juventusit është ose të kërkojë huazimin e tij për një sezon tjetër me opsionin e blerjes ose të arrijë një marrëveshje me PSG-në për të tentuar blerjen përfundimtare këtë verë, opsioni i dytë duket i vështirë.
Bardhezinjtë marrin lajmin e keq nga Anglia, TBR Football raporton se Kolo Muani është në listën e merkatos verore për të paktën 6 nga klubet e Premier League, si Liverpool, Arsenal, Chelsea, Tottenham, Aston Villa dhe Newcastle.
Ndryshe nga Juventus që ka si opsionin parësor huazimin e sulmuesit me të drejtë blerje, klubet e Premier League janë të gatshme të bindin PSG-në duke i ofruar 50-60 milionë euro, shifër e kënaqshme për klubi parizien, duke ditur që Kolo Muani nuk ka vend në ekipin e tyre pasi është jashtë planeve të Luis Enrique.
