Arsenali duket se është larguar nga gara për shërbimet e Dushan Vlahoviçit.
Sipas asaj që raportohet nga “The Athletic”, sulmuesi serb që po ndiqej me vëmendje nga “Topçinjtë”, tashmë ka dalë jashtë radarit, me Arsenalin që do të provojë gjithçka për të blerë Gjokeres nga Sporting Lizbona. Ky i fundit pas sezonit fantastik po kërkohet nga shumë klube, por Arsenali mbetet në avantazh.
Kështu, te Juventusi janë ende në kërkim të një klubi ku mund të sistemojnë Vlahoviçin, pasi në verë është mundësia e fundit për ta shitur për shkak të kontratës që i skadon në vitin 2026. Për momentin nuk ka asnjë marrëveshje që palët të rinovojnë kontratën.
PANORAMASPORT.AL
