Mesfushori me tipare sulmuese, Denys Kostyshyn është shpallur lojtari më i mirë për muajin mars te skuadra e Dritës.
Klubi nga Gjilani, të mërkurën ka njoftuar se Kostyshyn ka marrë shumicën e votave nga tifozët e klubit për t’u zgjedhur lojtari më i preferuar për muajin e shkuar.
27-vjeçari në muajin shkurt iu bashkua Dritës, ndërsa deri më tani ka treguar paraqitje të mira në futbollin kosovar.
Kstyshyn në pesë paraqitje në Superligë në muajin mars ka realizuar dy gola dhe ka bërë një asistim.
Ka shënuar gol në barazimin 1:1 në udhëtim te Dukagjini dhe fitoren 4:0 ndaj Gjilanit kurse asistimin e ka bërë në triumfin 2:0 të Dritës ndaj Ballkanit.
Deri më tani, ukrainasi ka 6 ndeshje të luajtura në elitën e futbollit kosovar, ndërsa me Dritën ka kontratë deri në qershor të vitit 2026.
