Ismet Munishi ka qenë kryetrajner i Ferizajt.
Të shtunën që e lamë pas nuk, u prit mirë nga tifozët në Ferizaj.
Klubi i futbollit Ferizaj tregon një akt burrëror duke i kërkuar falje Munishit, kryetrajner i Dukagjinit të Klinës.
“Sot kemi pranuar nga Komisioni Disiplinor i Garave pranë FFK-së, vendimin me të cilin dënohemi me 1000 euro si klub për shkelje të Rregullores disiplinore në organizimin e ndeshjes kundër Dukagjinit.
Në vendim thuhet se “Në minutën e 52-të dhe pas përfundimit të ndeshjes, tifozët vendas ofendojnë në kor trajnerin e Dukagjinit, Ismet Munishi”.
E kuptojmë se emocionet gjatë ndeshjeve, veçanërisht në sfida të forta si ajo kundër Dukagjinit, mund të ndikojnë në reagimet e çastit, por ju ftojmë të përmbahemi nga ofendimet e të tregojmë përkrahjen tonë në mënyrën më të mirë të mundshme – përmes mbështetjes së zjarrtë dhe korrekte për ekipin tonë.
Në emrin tim personal dhe në emër të klubit FC Ferizaj i kërkojmë falje trajnerit Ismet Munishi për fyerjet që erdhën në emër të tij. Ne respektojmë kontributin e secilit trajner që ka qenë pjesë e rrugëtimit tonë.
Për fund, FC Ferizaj falenderon secilin tifozë që gjen kohë dhe na mbështet në stadium. Ju jeni motivi dhe forca jonë”, thuhet nga presidenti i FC Ferizaj Lulzim Abazi.
