Legjenda e tenisit, Rafael Nadal është një nga tifozët më të zjarrtë të Real Madridit dhe këtë e ka treguar së fundmi në ndeshjen kundër Real Sociedadit në Kupën e Mbretit.
Ai ndodhej i pranishëm në stadium duke mbështetur skuadrën e zemrës. Nadal festoi si i çmendur golin e triumfit të shënuar nga Antonio Rydiger që kualifikoi “galaktikët” në finale. (VIDEO)
Madje, edhe tifozët nuk mund të mos reagonin ndaj festës së tij të çmendur.
Një tifoz shkroi: “Djali i gjorë që ndjen gjithë dhimbjen që na ka shkaktuar Karlo gjatë gjithë sezonit. Ky ekip do t’ju stresojë aq shumë sa do të dëshironi t’i urreni, por nuk mundeni”.
“Ançeloti ende nuk e di se çfarë na ka bërë, shikoni Nadalin”, shkroi një tjetër tifoz.
Ndërsa një mbështetës tjetër i Real Madridit shkroi: “Tashmë duket si një president i Madridit… së shpejti Nadal, së shpejti”.
PANORAMASPORT.AL
