Mbrojtësi i Arsenalit, Gabriel Magajaesh, ka mbyllur para kohe sezonin e tij, duke i dhënë një goditje të rëndë shanseve të Arsenalit para ndeshjes së Ligës së Kampioneve kundër Real Madrid.
Mbrojtësi u detyrua të largohej nga fusha pas 10 minutash lojë në ndeshjen e Premier Ligës kundër Fullhemit dhe duket se dëmtimi i tij është shumë serioz. Ka qenë vetë klubi i cili nëpërmjet një komunikate bëri të ditur se atij do t’i duhej t’i nënshtrohej një ndërhyrje kirurgjikale “me qëllim që të jetë gati për sezonin e ardhshëm”.
Nëse në kampionat Arsenali duket se e ka pak a shumë të sigurt vendin në zonën e Ligës së Kampioneve, pjesëmarrja në këtë turne në çerekfinale përballë Real Madrid pa Gabriel do të jetë një telash më vete. Futbollisti ka qenë një ndër titullarët fiks të Arsenalit në këtë sezon dhe mungesa e tij në prapavijë do të ndjehet në këto sfidë shumë të rëndësishme për klubin.
PANORAMASPORT.AL
