Merkato e verës do të ketë një klub protagonist të padiskutueshëm: NEOM SC. Nuk e keni dëgjuar asnjëherë? Nuk ka se si, pasi ka pak vite që është krijuar dhe bën pjesë në kategorinë e dytë arabe. Dhe sigurisht, meqë është në kryesim të renditjes dhe po bëhet gati për elitën, po përgatitet njëkohësisht të thyejë tregun duke afruar yje të futbollit botëror.
Paratë nuk u mungojnë sheikëve dhe që tani kanë nisur negocia6ta me dy yje të mesfushës. Italiani Zhorzhinjo, aktualisht pjesë e Arsenalit, si dhe belgu Kevin De Bryjn, aktualisht pjesë e Mançester Sitit, janë emrat e piketuar për të ndërtuar nga e para mesfushën e kësaj skuadre dhe raportohet se të dy janë gati të nisin këtë aventurë të re.
E veçanta e këtij klubi është se i përket qytetit të Neom, i cili po ndërtohet nga zero në Arabinë Saudite dhe ku nuk ka ende zyrtarisht banorë të tij përveç punëtorëve në kantiere. Kësisoj, yjet e futbollit botëror që do të shkojë atje, duhet të mësohen me faktin se do të luajnë në një stadium të boshatisur.
PANORAMASPORT.AL
