Lindon Emerllahu, 22-vjeçar, mesfushori kosovar i transferuar nga CFR Cluj në shkurt, i bëri përshtypje Dan Petreskut në çerekfinalen e Kupës: “Ai luajti jashtëzakonisht mirë”.
Mbrëmjen e së enjtes, Lindon Emerllahu ka veshur për të shtatën herë fanellën e CFR-së, duke qenë mbrojtës i krahut të djathtë në ndeshjen e Kupës me Universitatea Craiova.
Në fund, trajneri Dan Petresku deshi ta uronte: “Jam i lumtur për Lindonin, ai luajti shkëlqyeshëm gjatë gjithë ndeshjes, 120 minuta”.
Kosovari bëri një pasim vendimtar ndaj Mohammed Kamara në portën e Transilvanisë, derisa ai e rikuperoi topin 7 herë, 5 herë në gjysmën e fushës së kundërshtarit, duke vepruar si një “box-to-box” i vërtetë.
Emerllahu ishte një “mur” i vërtetë, me 9 duele mbrojtëse të fituara nga gjithsej 10 duele të kontestuara dhe 2/3 e dueleve ajrore të pretenduara.
Në krahun sulmues, loja e Emerllahut vërshoi me guxim, me 25 pasime përpara, 18 prej të cilave gjetën objektivin.
Kemi, pra, tablonë e një paraqitje të plotë të kosovarit, solid në mbrojtje dhe të frymëzuar me topin në këmbë.
Loja e tij e “jashtëzakonshme”, siç e përshkroi Dan Petrescu, u kurorëzua me golin e shënuar në penallti.
Cluji kaloi tutje në fazën tjetër të Kupës së Rumanisë.
