Kapiteni i Barcelonës, Mark Andre Ter Shtegen, i cili iu nënshtrua një operacioni në gju në shtator, tashmë është pjesë e seancave stërvitore me grupin.
Një hap gjigant drejt rikthimit të tij, për të cilin ai preferon të mos vendosë një datë, megjithëse mund të jetë më shpejt sesa pritej. Ai ka folur për mediat pas marrjes së Çmimit Ndërkombëtar “Gentleman” në “Círculo Ecuestre de Barcelona”.
“Ideja ime është të kthehem këtë sezon. Nëse jam mirë, do të flas padyshim me trajnerin dhe do të shohim se çfarë është më e mira për të gjithë”, tha portieri gjerman. “Më duhet të përfundoj rikuperimin si duhet, të futem në dinamikën e ekipit. Dhe, meqenëse bëhet fjalë për ndjesitë, nëse e shoh se gjithçka po shkon mirë, do të flas me trajnerin”, siguroi ai, pa u fshehur për tripletën.
“Kemi treguar se jemi një ekip i madh dhe mund t’ia dalim të fitojmë të trija garat ku jemi ende në lojë”, nënvizoi gjermani.
PANORAMASPORT.AL
