Fabio Capello beson se Interi duhet t’i lërë pas dy ndeshjet e fundit të Serie A, por mendon se do të jetë një skuadër ndryshe që do të dalë në fushë kur të përballet me Bayern Munich në ndeshjen e parë të çerekfinales së Ligës së Kampionëve sonte në mbrëmje.
Skuadra e Simone Inzaghit do të përballet me atë të trajnerit Vincent Kompany, i goditur nga shumë lëndime.
Ndërsa Interi ka marrë katër pikë nga dy ndeshjet e fundit të ligës.
Duke shkruar në rubrikën e tij në “La Gazzetta dello Sport”, Capello beson se Interit iu dha një shenjë paralajmëruese gjatë fitores së tyre 2-1 ndaj Udineses.
Capello beson se Interi është ende favorit për titullin e Serie A dhe Kupën e Italisë, dhe beson se Nerazzurrët kanë një shans të mirë për të kaluar edhe Bayernin.
Fakti që Bayern do të jetë pa Manuel Neuer, Dayot Upamecano, Alphonso Davies, Kingsley Coman dhe Jamal Musiala ndër të tjera, është një bonus i madh për Interin, shkruan Capello.
Ish-trajneri i Milanit, Juventusit dhe Anglisë mendon gjithashtu se Interi ka një repart të mesfushës që renditet në mesin e tre më të mirëve në botë me Nicolo Barella, Hakan Calhanoglu, Henrikh Mkhitaryan dhe Davide Frattesi të gjithë në dispozicion të Inzaghit.
Bayerni dhe Interi përballen sonte me fillim nga ora 21:00.
