Ka përfunduar sezoni për futbollistin e Manchester United, Joshua Zirkzee.
Sulmuesi holandez ka pësuar një lëndim në ndeshjen e fundit ndaj Newcastle United, ku u detyrua të largohet nga fusha para kohe, shkruan IndeksOnline.
Pas ekzaminimeve mjekësore është mësuar se 23-vjeçati pësoi lëndim në hamstring.
Trajneri i Manchester United, Ruben Amorim e ka konfirmuar tashmë se sezoni për Zirkzee ka përfunduar.
”Joshua është jashtë për sezonin. Pra, ai nuk do të luajë më shumë këtë sezon. Le ta përgatisim atë për sezonin e ardhshëm.
Është e vështirë, veçanërisht në këtë moment. Unë mendoj se ai po përmirësohet në të gjitha aspektet e lojës, kështu që është e vështirë për çdo lojtar të ndalet, por ky është futbolli dhe ai duhet të jetë gati tani për t’u rikuperuar.”, ka deklaruar Amorim.
