Tomas Myler dhe Bajern Mynih do të ndahen në fund të këtij sezoni. Vendimi është marrë tashmë dhe sulmuesi do të largohet nga klubi ku ka fituar gjithçka në më shumë se dy dekada pjesë të tij.
Por sulmuesi gjerman nuk ka ndër mend të largohet nga futbolli i luajtur e kësisoj do të fillojë të shqyrtojë oferta të ndryshme për të vazhduar karrierën e tij. Dhe një nga këto hipoteza është në Serinë A, ku raportohet se një klub ka bërë hapa konkret në këtë drejtim.
Sipas mediave gjermane dhe italiane, klubi i Fiorentinës ja kërkuar informacion rreth sulmuesit duke kontaktuar menaxherin e tij për të mësuar rreth kushteve që kërkon t’i plotësohen në aspektin ekonomik.
Një lëvizje e parë e rëndësishme për Fiorentinën, por edhe për Myler që kësisoj do të kishte mundësinë të përjetonte një tjetër aventurë në futbollin e rëndësishëm europian, para se të largohej me shumë mundësi drejt SHBA, pasi ka klube të MSL të gatshme t’i ofrojnë një vend në radhët e tyre.
PANORAMASPORT.AL
