Edhe pse nuk ka ende asnjë njoftim zyrtar, Ueston MekKeni është shumë pranë rinovimit me “Zonjën të Vjetër”, aq sa në Itali e konsiderojnë si një çështje të mbyllur.
Kontrata e MekKenit do të skadojë pas pak më shumë se një viti, por rinovimi duket se është çështje javësh nëse jo ditësh. Këtë herë, Juve nuk do të presë deri në momentin e fundit të mundshëm për të vepruar dhe vazhdimi i kontratës është tashmë në fazën e detajeve. Ai do të nënshkruajë një marrëveshje që do ta lidhë me “Zonjën” për dy ose tri sezone të tjera dhe do të sigurojë një rol lideri në Juventusin që do të vijë.
MekKeni ka ndryshuar totalisht opinionin e ambientit bardhezi, ku në fillim të sezonit nuk e donin. Ai ishte shumë pranë largimit, por në fund bardhezinjtë vendosën ta mbanin dhe me Motën u kthye në një lojtar kyç.
PANORAMASPORT.AL
