Jyrgen Klop u tërhoq nga drejtimi i Liverpulit sezonin e shkuar ndërsa në 1 janar të 2025-ës u bë Shefi Global i Futbollit të Red Bull, supervizor i të gjithë projektit të futbollit të kompanisë e cila ka në zotërimin e saj mes të tjerave klubet e Lajpcigut, Salcburgut dhe Nju Jorkut. 
Por mesa duket gjermani mund ti rikthehet trajningut dhe mund të pranonte të negocionte me Brazilin ose Real Madridin.
Eliminimi i “Los Blancos” nga Championsi e ka lënë Karlo Ançelotin të rrëqethur dhe largimi i tij është më pranë se kurrë.
Gazeta braziliane UOL ka cituar Jyrrgen Klop si “gjithnjë e më shumë të lodhur në rolin e tij si drejtor i futbollit të Red Bull” dhe është “i hapur për negociata me federatën braziliane ose Real Madrid”. “Njerëzit e afërt me Klop kohët e fundit thanë se ai do të pranonte të largohej nga Red Bull vetëm për dy destinacione: Kombëtaren e Brazilit dhe Real Madridin”.
Gjermani i bashkohet listës së kandidatëve për të qenë trajner i Realit sezonin e ardhshëm, ku është edhe Çabi Alonso.
PANORAMASPORT.AL
