Pavarësisht se janë prapa me pikë, Granit Xhaka ende beson në gjasat e Leverkusenit për të fituar kampionatin gjerman.
Kapiteni i kombëtares së Zvicrës dëshiron të përfitojë nga kriza e lëndimeve të Bayernit.
Granit Xhaka mbetet i sigurt në garën për titull, shkruan mediumi zviceran “Blick”.
Xhaka shpreson se 78 pikë do të jenë të mjaftueshme për të fituar titullin.
Kanë mbetur edhe pesë ndeshje. Diferenca është gjashtë pikë. Granit Xhaka (32) nuk heqë dorë nga mbrojtja e titullit me skuadrën e Leverkuseninit.
“Unë besoj se ende kemi një rast për të fituar titullin”, tha Xhaka në një intervistë për mediumin gjerman“Bild”.
“Duhet t’i fitojmë ndeshjet tona. Pastaj do të shohim se ku do të qëndrojmë”, tha Xhaka. Fitorja, megjithatë, është një çështje tjetër.
Fundjavën e kaluar, Leverkuseni arriti që të barazonte 0:0 në shtëpi kundër Union Berlinit dhe kështu humbi mundësinë për t’u afruar më shumë me kryesuesin.
Leverkuseni do të përballet me Dortmundin dhe ekipet e forta si Freiburg dhe Mainz në ndeshjen e fundit. Ndeshja më e vështirë e Bayernit do të jetë në Leipzig.
“Duhet të shpresojmë që 78 pikë janë të mjaftueshme.
Nëse të tjerët kanë më shumë në fund, atëherë ne u shtrëngojmë duart dhe u themi: ‘Bëtë një punë shumë të mirë, urime’.
Por nuk është aq larg”, – thotë Xhaka.
Pas javës së 29-të, Bayerni kryeson me 69 pikë e ka 6 më shumë se Leverkusenii.
