Kristian Panuçi është përballur me një ngjarje të rëndë në fillimin e kësaj jave. Pasditen e së hënës, Audi Q8 që ndodhej i parkuar në vilën e ish-trajnerit të Kombëtares, është gjendur në flakë.
Foto ilustruese/ Panuçi dhe një makinë rastësore e djegur
Raportohet nga Italia se zjarri është ndezur qëllimisht, ndërsa gjithçka ndodhi në Itali. Në vilën e Panuçit jeton djali i tij, Huan. Ish-trajneri i Kombëtares ndërkohë ndodhej në Dubai.
Panuçi mbajti për herë të fundit pozicionin e trajnerit te Shqipëria, pikërisht nga viti 2017 deri në vitin 2019. 52-vjeçari drejtoi kuqezinjtë në 15 ndeshje pa lënë shenjë duke pësuar 9 humbje.
Si lojtar pati një karrierë të pasur ku periudhën më të gjatë e kaloi te Roma. Milani dhe Real Madrid ishin klubet e tjera ku luajti për disa sezone.
PANORAMASPORT.AL
