– Parma ka fituar vetëm një nga 15 ndeshjet e fundit të Serisë A (4 barazime, 10 humbje) kundër Juventusit, atë 1-0 në “Tardini” në prill 2015 (gol vendimtar nga Mauri). Për më tepër, emilianët kanë pësuar 97 gola kundër bardhezinjve në këtë kampionat. Vetëm kundër Romës kanë pësuar më shumë (100).
– Parma barazoi ndeshjen e fazës së parë (2-2) të këtij kampionati ndaj Juventusit. Ata mund të mbeten të pamposhtur në të dyja përballjet sezonale të Serisë A kundër Juventusit, për herë të parë që nga sezoni 2010/11 (në atë rast, dy fitore).
– Juventusi ka fituar tri transfertat e fundit kundër Parmës në Serinë A, duke vendosur një rekord për fitore radhazi në fushën e emilianëve në këtë kompeticion.
– Mes skuadrave të gjysmës së dytë të renditjes, vetëm Komo ka marrë më shumë pikë (17) se Parma (16) ndaj kundërshtarëve që aktualisht ndodhen në gjysmën e sipërme të tabelës. Parma nuk është mundur në katër ndeshjet e fundit të këtij lloji (barazime kundër Fiorentinës, Interit, Torinos dhe fitore ndaj Bolonjës).
– Parma ka barazuar të pesë ndeshjet e fundit në kampionat, dhe mund të barazojë të paktën gjashtë ndeshje radhazi për herë të parë në historinë e saj në Serinë A.
– Juventusi ka fituar tetë nga 13 ndeshjet e fazës së dytë të këtij kampionati (2 barazime, 3 humbje), tre më shumë se në gjysmën e dytë të sezonit të kaluar (5 fitore, 10 barazime, 4 humbje) dhe vetëm një më pak se Roma dhe Interi, që kanë më shumë fitore në këtë pjesë të sezonit (nga nëntë secila).
– Pasi nuk kishte shënuar në asnjë nga 12 ndeshjet e para të karrierës në Serinë A kundër skuadrave të sapongjitura nga Seria B, Dushan Vlahoviç ka realizuar 17 gola në 23 ndeshjet e mëvonshme ndaj këtyre rivalëve. Megjithatë, Parma është një nga katër skuadrat në këtë kampionat (bashkë me Monzën, Fiorentinën dhe Komon) kundër të cilave serbi ende nuk ka shënuar në Serinë A.
PANORAMASPORT.AL
