Sulmuesi i Realit, Vinicius Zhunior, do të jetë personazh i një dokumentari që do të publikohet nga “Netflix” më 15 maj.
Ka qenë vetë kjo platformë që ka publikuar pjesë të dokumentarit, duke dhënë një përmbledhje e karrierës së brazilianit, personalitetit dhe sezonit të tij të fundit. Dokumentari titullohet “Dance, Vini”.
“Gjithçka që kam mësuar ka qenë nga futbolli; nga futbolli kam mësuar mësimet më të rëndësishme në jetë”, thotë braziliani. Me fjalët e një futbollisti që jetoi një jetë të hershme praktikisht të mallkuar. “Mish” për parodi e “meme”. Dhe që nga atje, në “parajsë”. Ka pasur shumë batuta nga Vinicius në këtë dokumentar.
Para kamerës, tepër i qetë, por i vendosur ai ka thënë: “Nuk më paguajnë për të qenë djalë i mirë apo për të bukur. Më paguajnë për të shënuar gola”.
Natyrisht që në dokumentar, një hapësirë i është kushtuar dhe çështjes së racizmit, me Vinin që është bërë në një farë mënyre simbol i luftës kundër racizmit në La Liga. Pikërisht këtë temë, në dokumentar është përmendur dhe deklarata e fortë e Ançelotit pas ngjarjeve në Valencia.
“Për fat të keq, ajo që ishte La Liga e Ronaldos, Ronaldinjos, Kristiano, Mesit… është kthyer në La Liga e racistëve”.
PANORAMASPORT.AL
