Presidenti i Interit, Beppe Marotta, foli për mikrofonat e “Mediaset” përpara derbit gjysmëfinal të kthimit të Kupës së Italisë kundër Milanit, i humbur 3-0 nga të tijtë:
Çfarë ndodhi me Inter-Roma?
Është një mundësi për të rinovuar ndjenjën e ngushëllimit për figurën e Papës, një njeri shumë afër botës sportive. Kam ndarë me të diskutime për vlerat e sportit dhe jo vetëm.
Falënderoj lojtarët dhe trajnerin që, ndonëse kishin mundësinë të luanin të shtunën në orën 20:45, pranuan propozimin e klubit për të luajtur të dielën, duke pasur një ditë më pak për ndeshjen e radhës. Duhet ndërhyrë në kalendar, ka shumë ngarkesë fizike.
A keni kërkuar shtyrje të ndeshjes?
Kërkuam shtyrje, sepse kemi gjysmëfinalen e Champions-it kundër Barcelonës. Pra, ishte e drejtë ta kërkonim. Mund të ishte në favor të gjithë futbollit italian. Besoj se është hera e parë në histori që një skuadër, që ka gjysmëfinalen e Champions-it përpara, kaq shpejt, luan të dielën. Kërkesa jonë ishte e natyrshme, por kalendari ishte i mbingarkuar.
Çfarë cilësish duhet të ketë një lojtar për të ardhur tek Interi?
Nuk do të ketë asnjë revolucion, skuadra është konkurruese. Do të vazhdojmë me përfshirjen graduale të profileve të rinj. Duhet të krijojmë kapital sportiv dhe për këtë kemi udhëzime të qarta nga klubi. Nuk do të bëjmë përmbysje të mëdha në përbërje.
