Roi Kin provokoi duke thënë se Kevin De Bryjne duhet t’i bashkohet Mançester Junajtidit kur kontrata e tij me Mançester Sitin të skadojë këtë verë. Mesfushori 33- vjeçar njoftoi se do të largohej nga Siti pas përfundimit të kontratës.
Ai ka luajtur 34 herë për skuadrën e Pep Guardiolës në të gjitha kompeticionet këtë sezon, duke kontribuar me pesë gola dhe tetë asiste. Por pas 416 ndeshjeve me “Qytetarët”, De Bryjne do të nisë një sfidë të re. Duke folur në “Sky Sports”, ish-kapiteni i “Djajve” tha me humor se De Bryjne duhet të qëndrojë në Mançester, por të lëvizë drejt perëndimit, në “Old Trafford”.
Ish-mesfushori irlandez tha: “Junajtid? Ai nuk do të lëvizë me shtëpi”. Batuta e Kinit erdhi pasi kolegu i tij ekspert i “Sky Sports”, Shei Given, tha se De Bryjne “mund të firmosë me një klub tjetër të Premier Ligës dhe ky është një shqetësim për Sitin”.
PANORAMASPORT.AL
