Mund të duket si më klasikja e “dashurisë me shikim të parë”, por nuk ishte Bolonja-Inter që ndezi shkëndijën mes kampionëve të Italisë në fuqi dhe Jon Lukumit. Udhëzimet e reja të diktuara nga “Oaktree” (fondi zotërues i Interit) kërkojnë një përtëritje të skuadrës, e cila është një nga më të vjetrat në Itali dhe Evropë dhe operacioni i rinovimit mund të fillojë menjëherë nga reparti difensiv.
Në qendër të mbrojtjes me tre lojtarë të Inzagit janë Françesko Açerbi, 37 vjeç dhe Stefan De Vraj, 33, dy lojtarë që gjatë këtij sezoni kanë treguar se mund të luajnë ende në nivele shumë të larta, por që, fizikisht, nuk i lënë drejtuesit që të bëjnë një gjumë të qetë. Për më tepër, të dyve u skadon kontrata: pavarësisht se agjenti i De Vraj ka njoftuar tashmë rinovimin e holandezit dhe të gjitha sinjalet janë për një shtesë të re në qendër të mbrojtjes.
PANORAMASPORT.AL
