Punimet në stadiumin “Adem Jashari” në Mitrovicë po vazhdojnë me dinamikë të lartë.
Ministri në detyrë i Ministrisë për Kulturë, Rini dhe Sport, Hajrulla Çeku përmes një postimi në “Facebook”, ka thënë se punimet në këtë stadium do të përfundojnë brenda viti 2025.
“Brenda këtij viti, punët pritet të përfundojnë, duke i dhënë qytetit një stadium të ri, modern dhe njëherësh më të madhin në vend – në shërbim të klubeve, sportistëve dhe tifozëve mitrovicas. Vazhdojmë pa u ndalur me konsolidimin e infrastrukturës së sportit në gjithë vendin. Po punohet edhe në stadiumet e Shtimes, Gjakovës dhe Hogoshtit të Kamenicës, si dhe pesë stadiume ndihmëse, ndërsa pritet të nisin punimet edhe në Gjilan, Prizren, Pejë, Ferizaj, Vushtrri dhe Suharekë”, ka shkruar Çeku.
