Mançester Junajtid thuhet se humbi mundësinë për të nënshkruar me Eden Hazardin në vitin 2012, pasi zyrtarët e klubit refuzuan të bënin një pagesë të fshehtë prej miliona paundësh për menaxherin e tij. Hazard nënshkroi për rivalët e Premier Ligës, Çelsin, nga klubi francez i Lilës, për një tarifë të raportuar prej 32 milionë paundësh.
Anësori belg fitoi dy tituj të Premier Ligës si dhe dy herë Ligën e Europës, Kupën FA dhe Kupën e Ligës gjatë një periudhe të shkëlqyer shtatëvjeçare me Blutë.
Por sipas “The Times”, Hazard ishte shumë pranë një transferimi te Mançester Junajtid në verën e vitit 2012, me klubin që kishte arritur marrëveshjen si me Lilën, ashtu edhe për akordin personal me yllin belg. Por agjenti i atëhershëm i Hazardit, Xhon Biko, kërkoi që klubi të paguante 1 milion paund për të, por kërkoi edhe miliona të tjera nga pronarët e “Djajve”.
PANORAMASPORT.AL
