Për herën e tretë në histori, Kristal Palas do të luajë finalen e Kupës FA, turneut më të vjetër futbollistik në botë. Skuadra e drejtuar nga Olivier Glasner ka mundur pastër në “Uembli” me shifrat 3-0 Aston Vilën e “mjeshtrit të kupave”, Unai Emeri.
Që në fillim ishte Kristal Palas që krijoi rastet dhe gjeti avantazhin me anë të Eze. Më pas, në pjesën e dytë, Mateta humbi penallti, por Sarr shpejt gjeti golin e dytë, duke thelluar diferencën. Një tjetër gol i Sarr në minutat shtesë të ndeshjes vulosi suksesin 3-0 të Kristal Palas i cili kthehet kështu për herë të tretë në finalen e këtij turneu.
Në dy edicionet e mëparshme, të viteve 1990 dhe 2016, kjo skuadër u desh të nënshtrohej përballë Mançester Junajtid. Këtë herë në finale nuk do të ketë përballë “djajtë e kuq”, por fituesen e çiftit Notingem Forest-Mançester Siti.
Goli i Eze (VIDEO)
Goli i parë i Sarr (VIDEO)
Goli i dytë i Sarr (VIDEO)
PANORAMASPORT.AL
