Legjenda e Milanit, Arrigo Sacchi, këmbëngul se fakti që Simone Inzaghi dhe Carlo Ancelotti po marrin kritika do të thotë se “bota e futbollit mund të jetë vërtet e pakuptueshme”.
Kanë qenë disa ditë katastrofike për Interin, i cili humbi me rezultat 1-0 ndaj Bolognës dhe u kapën në krye të tabelës së Serie A nga Napoli, pastaj humbi 3-0 ndaj Milanit dhe u eliminua nga gjysmëfinalja e Kupës së Italisë.
Ndërkohë, Marca raporton se nëse Real Madrid humbet finalen e Kupës së Mbretit kundër Barcelonës këtë mbrëmje, atëherë Ancelotti mund të shkarkohet edhe para përfundimit të sezonit.
“Falë zotit ka ende drejtorë të urtë që kanë kokën fort mbi supet e tyre”, tha Sacchi për La Gazzetta dello Sport.
“Unë ju pyes, pas asaj që kemi parë në sezonet e fundit, si mund të dyshojë dikush ende në Simone Inzaghi? Bota e futbollit ndonjëherë mund të jetë vërtet e pakuptueshme”.
“Keni parasysh, nëse ata po kritikojnë Ancelottin në Madrid, kjo do të thotë se gjithçka shkon…”.
“Simone është një trajner i madh që me kalimin e viteve dëshmoi se mund të rritet dhe të përmirësohet, me studim dhe punë të palodhur. Ai është në krye të tabelës së Serie A, është në gjysmëfinale të Ligës së Kampionëve kundër Barcelonës, ndaj pse vlerësimi të mos jetë pozitiv?” shtoi Sacchi.
“Duke parë 15 ditë pas, ai ishte një fenomen pasi mposhti Bayern Munichun në Gjermani, tani ai befas është bërë gomar? Shpërthimi ndaj një trajneri për dy humbje nuk është mënyra ime e të menduarit”.
“Është e mundur që janë bërë gabime, por të gabosh është njerëzore dhe askush nuk është i imunizuar nga kjo”, ka thënë Sacchi.
E gjithë kjo është shumë alarmante për ish-trajnerin e Milanit dhe Italisë, Sacchi.
