SERIE A
Udinese – Bologna Shpresat e Udineses për Europën kanë mbaruar, edhe pse ata po përgatiten të presin Bolonjën në javën e 34-t të Serie A italiane. Një vend në mes të tabelës do të mjaftonte për Udinesen, por kjo ndeshje ka më shumë rëndësi për Bolonjën. Udinese vjen pas një humbjeje 2-0 nga Torino, që shënoi humbjen e pestë radhazi dhe ndeshjen e gjashtë pa fitore. Asnjë ekip nuk ka pasur një seri më të keqe në pesë javët e fundit sesa Udinese, që në më të mirën e mundshme mund të përfundojë në vendin e nëntë. Ata barazuan 1-1 me Bolonjën në ndeshjen e parë, duke e shtrirë serinë e tyre të pamposhtur në këtë përballje në tri ndeshje. Bolonja vjen në këtë ndeshje me motivim të lartë, pasi ka siguruar vendin e saj në finalen e Kupës së Italisë. Ata sapo fituan 2-1 ndaj Empolit në ndeshjen e kthimit të gjysmëfinaleve, duke e përmbyllur fitoren me një rezultat 5-1 në total. Ata do të duhet të ndalin festimet për tani, pasi gjithashtu po ndjekin një vend në katërshen e parë.
PARASHIKIMI: Fiton Bologna 52%
Lazio – Parma Lazio do të kërkojë fitoren e dytë radhazi në Serie A kur të presë Parmën këtë të hënë. Duke hyrë në javën e 34-t të kampionatit, dy ekipet po luftojnë për pozitat e kundërta të tabelës së klasifikimit. Lazio do të presë këtë ndeshje duke u përpjekur të ndërtojë mbi fitoren 2-0 ndaj Genoas. Ky rezultat i mbajti ata vetëm një pikë larg katërshes së parë. Ata tani janë të pamposhtur në katër ndeshjet e fundit të kampionatit. Lacialët kanë humbur vetëm njëherë në 11 ndeshjet e fundit të Serie A, por pesë prej tyre kanë përfunduar në barazim. Çdo ndeshje e fundit e Serie A në shtëpi për ta ka përfunduar me barazim. Parma po i afrohet mbijetesës, pasi tani ka hapur një hendek prej gjashtë pikësh ndaj tri ekipeve të fundit. Në ndeshjen e parë me Lazion, ata fituan befasueshëm 3- 1 në shtëpi.
PARASHIKIMI: Barazim 47%
CHAMPIONSHIP
Leeds – Bristol City Leeds United do të presë Bristol City në “Elland Road” në javën e 45- të të Championshipit. Leeds është në vendin e dytë, ndërsa Bristol është në vendin e pestë. Leeds United ka siguruar tashmë ngjitjen në Premier League angleze, falë paraqitjes së shkëlqyer në Championship këtë sezon. Ata nuk duan të ndalen, pasi kanë ende diçka për të luajtur këtë sezon, trofeun. Bardheblutë janë të pamposhtur në tetë ndeshjet e fundit para kësaj përballjeje. Gjatë kësaj periudhe, ata fituan pesë ndeshje dhe barazuan tri të tjera. Djemtë e Daniel Farke ishin të pamëshirshëm në ndeshjen e fundit të ligës kundër Stoke City. Ata fituan 6-0 në shtëpi, duke e zgjeruar serinë e fitores në katër ndeshje.
PARASHIKIMI: Fiton Leeds 54%
SUPER LIG
Goztepe – Basaksehir Goztepe do të presë Basaksehir në “Gursel Aksel” në javën e 33-të të Superligës turke. Goztepe është në vendin e dhjetë në tabelë, ndërsa Basaksehir është në vendin e gjashtë. Goztepe po kalon një periudhë të vështirë në Superligën turke kohët e fundit. Ekipi vendës ende po kërkon fitoren e parë në ligë që nga 19 janari. Ata janë pa fitore në 11 ndeshje (6 barazime, 5 humbje) para kësaj përballjeje. Basaksehir ka pasur një periudhë shumë të mirë në kampionat, duke fituar katër ndeshje radhazi. Kjo erdhi pas një periudhe të vështirë, ku ata humbën 3-1 ndaj Kayserispor dhe 3-0 ndaj Trabzonspor.
PARASHIKIMI: Shënojnë të dyja skuadrat 44%.
PANORAMASPORT.AL
