Barcelona e Hansi Flik është një ekip jashtëzakonisht i ri. Mund të thuash pothuajse se veteranët janë një përjashtim në një skuadër të mbushur me lojtarë pothuajse pa mjekër, por me lidership të fortë nga ata më me shumë përvojë, si Injigo Martínez, Robert Levandovski ose Ter Shtegen
Kombinimi i të gjitha këtyre ka qenë një sukses dhe atmosfera në ekip është spektakolare. Gjëja më e mirë te lojtarët e rinj është ambicia e tyre, guximi dhe aftësia për të luajtur pa frikë kundër çdo kundërshtari. Roli i veteranëve është t’iu mësojnë atyre kur të tregohen më të zgjuar në fushë dhe si të përballojnë momentet e vështira. Ndeshja kundër Interit është një shembull i mirë i kësaj.
Nga ata që do të jenë në gjendje të luajnë ndeshjen e parë sonte në mbrëmje, vetëm Frenki de Jong e di se si është të luash në një gjysmëfinale të Ligës së Kampionëve. Ter Shtegen dhe Levandovski do të mungojnë. I pari, sepse nuk është i regjistruar në këtë kompeticion, i dyti për shkak të dëmtimit. Për më tepër, De Jong luajti gjysmëfinalet e tij të vetme kur ishte pjesë e Ajaksit. Ekziston një i tretë, Andreas Kristensen, i cili luajti disa ndeshje për Çelsin por kundër Interit duket pothuajse e pamundur që ai të jetë në gjendje të luajë.
Pra, Barcelona po hyn në një territor të panjohur për shumicën e lojtarëve të saj. Ata që e kanë arritur më tej në këtë garë janë ata që ishin pjesë e skuadrës sezonin e kaluar dhe u eliminuan në çerekfinale kundër PSG-së. Në ndeshjen e parë ata fituan në “Parc des Princes”, por humbën keq në “Montjuiç”. Ekipi u shemb me përjashtimin e Arauhos. Ndeshja e fundit kundër Dortmundit ishte një thirrje zgjimi për ekipin.
PANORAMASPORT.AL
