Milani është në kërkim të një drejtori sportiv dhe administratori i përgjithshëm i kuqezinjve, Xhorxho Furlani, nuk ka zgjedhur ende emrin që do të mbulojë këtë rol në sezonin e ri. Megjithatë, që sot ai duhet të cilësojë jashtë gare atë që ishte emri i preferuar i tij.
Administratori i Atalantës, Luka Perkasi, konfirmoi para gazetarëve se drejtori sportiv, Toni D’Amiko, nuk do të largohej nga klubi bergamask dhe do të vazhdonte projektin sipas kontratës mes palëve. D’Amiko vlerësohej si kandidati më i fortë në garë, nëse gjendej akordi mes palëve, pasi ishte një preferencë e vetë Furlanit.
Kësisoj, tani në listë mbetet pikërisht Tare, i cili ka edhe mbështetjen e Zlatan Ibrahimoviç, si dhe Fabio Paratiçi, por të cilin për ta parë në punë, do të duhet të pritet gjysma e korrikut, kur i mbaron dënimi i dhënë ndaj tij për çështjen e plusvalencave te Juventusi.
PANORAMASPORT.AL
