Superliga e basketbollit do të vazhdojë sonte me një tjetër ndeshje gjysmëfinale të “play-off”-it.
Mbrëmë Trepça e siguroi finalen pas fitores ndaj Sigal Prishtinës në kryeqytet për ta mbyllur serinë gjysmëfinale 3-1 me ndeshje.
Ndërkaq, sonte do të zhvillohet një tjetër takim i zjarrtë..
Peja dhe Bashkimi do ta luajnë ndeshjen e katërt gjysmëfinale, ndërsa për momentin prizrenasit janë në avantazh prej 2-1 me ndeshje.
Kështu, ekipi Portokalli do ta synojë fitoren për t’u kualifikuar në finale, ndërsa pejanët që ta barazojnë serinë në 2:2, në mënyrë që finalisti të përcaktohet në sfidën e pestë.
Portokallezinjtë e fituan ndeshjen e parë me rezultat bindës, 81:61 dhe të tretën 84:78 pas vazhdimeve, kurse pejanët e fituan ndeshjen e dytë 84:79.
Gjysmëfinalja e “play-off”-it në Superligë
Sonte
19:00 Peja – Bashkimi
