Sesk Fabregas, një prej figurave më të spikatura të futbollit europian në dekadën e fundit, ka folur hapur për të kaluarën, të tashmen dhe të ardhmen në një intervistë për “Corriere dello Sport”.
Pas arritjes së qëndrimit në Serinë A me skuadrën e Komos si trajner, Fabregas reflekton mbi rrugën që ka ndjekur dhe ofertat që ka marrë në prapaskenë. Në pjesën më të ndjeshme të intervistës, ish-mesfushori zbulon se gjatë karrierës ka qenë pranë transferimeve të mëdha në Serinë A. “Roma më ka kërkuar mua, ashtu edhe Unai Emeri.
Ai po bën një punë fantastike me Aston Vilën”, tha Fabregas, duke treguar për një bisedë të mëhershme me Monkin, kur ky i fundit drejtonte merkaton e verdhekuqve. Në të njëjtën kohë, ai konfirmoi kontakte edhe me Ivan Gazidhisin për Milanin, si dhe një tentativë nga Karlo Ançeloti kur drejtonte Napolin: “Një mbrëmje ishte në restorant me gruan e tij dhe sapo më pa, më pyeti ‘Je gati të vish tek unë?’”, tha Fabregas.
PANORAMASPORT.AL
