Romelu Lukaku uron që Interi të shkojë sa më gjatë në Champions (finale), ndoshta sepse e ndien, por edhe sepse uron që ata të kenë më shumë ndeshje në këmbë në mënyrë që Napoli ta ketë më të lehtë kampionatin.
Sulmuesi belg ka folur pas fitores së ekipit të tij kundër Leçes, ku ka thënë se duhet të jenë të përqendruar në ecurinë e tyre dhe të vazhdojnë të mbajnë vendin e parë në kampionat.
“Uroj që Interi të shkojë sa më larg të jetë e mundur në Champions sepse kjo është diçka e mirë për futbollin italian. E dëshiroj realisht këtë gjë. Por ne nuk i shohim aspak të tjerët. Duhet që të përqendrohemi tek ekipi ynë. Puna për titullin kampion nuk ka përfunduar ende. Duhet ende që ta zyrtarizojmë këtë”, ka thënë Lukaku.
Ai që finalen e Champions-it e ka provuar 2 vite më parë me fanellën zikaltër, ku në fakt bëri rolin e portierit për të ndalur një goditje të Dimarkos, thotë se është diçka madhështore dhe uron që Interi ta përsërisë sërish këtë sukses dhe këtë ndeshje që të futë në historinë e futbollit.
PANORAMASPORT.AL
