Albi Mall Superliga e Kosovës hyn në fazën vendimtare dhe java e 33-të sjell një nga ndeshjet më të rëndësishme të fundsezonit: Gjilani pret Malishevën në një përballje direkte për garat evropiane.
Ndeshja zhvillohet sot (e martë) me fillim nga ora 15:00 në stadiumin me bari sintetik në Gjilan, ku vendasit do të kërkojnë të shfrytëzojnë përparësinë e terrenit për t’u barazuar me pikë me mysafirët.
Gjilani aktualisht ka 45 pikë dhe renditet në vendin e pestë, tri më pak se Malisheva që mban pozitën e tretë, pozitë që siguron një biletë për Ligën e Konferencës.
Një fitore e Gjilanit do të bënte që skuadra e Nuhiut të kishte një shans të madh për garat evropiane, ndërsa një sukses i tillë i Malishevës bë që kjo skuadër të bëj një hap gjigant për ta blinduar atë pozitë.
Forma e të dy skuadrave ka qenë e luhatshme në javët e fundit, çka e bën këtë ndeshje edhe më të paparashikueshme.
Me vetëm katër xhiro të mbetura deri në fund të kampionatit, çdo pikë është jetike dhe kjo përballje pritet të jetë një “mini-finale” për sezonin e tyre.
