“Çelësi është se duhet të ruajmë strukturën tonë, si në aspektin sulmues, ashtu edhe në aspektin mbrojtës. Duhet të jemi pozicionuar mirë ndaj presingut, madje edhe në zotërimin e topit dhe të mund të krijojmë raste për shënim”.
Kjo ishte një nga aspektet që trajneri i Barcelonës, Hansi Flik, preku dhe shpjegoi para ndeshjes së kthimit në Ligën e Kampioneve kundër Interit. Ishte pikërisht ky kyçi, një stil i imponuar nga trajneri gjerman në këtë sezon që i ka mundësuar Barcelonës të rifitojë esencën e saj. Një ide e qartë loje dhe pa shumë të meta. Ndoshta hapësira që lë pas skuadra blaugrana me mbrojtjen e tyre të avancuar.
Siç qëndrojnë gjërat, presioni i lartë dhe kontrolli i topit janë dy nga armët më të spikatura të një skuadre që është shndërruar në një Barça. Lojtarët e Simone Inzagit kërcyen drejt vijave për të “gllabëruar” lojtarët Barçës në daljen e topit dhe përfunduan duke e mbytur plotësisht Dani Olmon. Mesfushori i Barçës ra në gjumë në mesfushë, Dimarko u shfaq nga prapa për të sulmuar me gjithçka që kishte dhe përfundoi duke rikuperuar një top përpara se t’u jepte shokëve të tij të skuadrës epërsinë 1-0.
PANORAMASPORT.AL
