Karlo Ançeloti, do të mbyllë më 26 maj aventurën e dytë me Real Madridin dhe do të marrë drejtimin e Brazilit.
Telenovela mes teknikut italian dhe Brazilit ka mbaruar me “tym të bardhë”. Ai nënshkroi një kontratë deri në Kupën e Botës 2026, me opsionin për ta zgjatur atë deri në Kupën e Botës 2030. Duket se Karlo ka nisur nga puna, pa u ulur në stolin e “seleccaos”.
Sipas ekspertit të merkatos Fabricio Romano, trajneri ka filluar të diskutojë rikthimin e Kasemiros në ekipin kombëtar. Mesfushori u stërvit gjatë kohës së tij te Reali nga Ançeloti dhe marrëdhënia e tyre ka qenë gjithmonë e shkëlqyer. 65-vjeçari synon të thërrasë sa më shumë liderë të jetë e mundur, përfshirë edhe lojtarin e Mançester Junajtid.
PANORAMASPORT.AL
