Pritej Gimenez, por Konseisao duket se do të hedhë Luka Joviçin në formacionin titullar në finalen e Kupës së Italisë kundër Bolonjës.
Edhe pse në konferëncën e trajnerit italian duket se nuk është vendosur ende, mediat italane janë të sigurta se do të jetë sulmuesi serb ai që do të udhëheq sulmin kuqezi. Ai gjithashtu do të mbështetet nga Rafael Leao që do të jetë i gatshëm në këtë sfidë dhe amerikani Kristian Pulisiç. Me skemën 3-4-2-1, Konseisao duket se pjesën tjetër të ekipit tashmë e ka caktuar. Në Portë do të jetë i përhershmi menja, ndërsa mbrojtja me tre do të përbëhet nga Tomori, Gabia e Pavloviç. Në mesfushë sakaq, në krahun e majtë nuk diskutohet Teo Hernandez, ndërsa në të djathtin pritet Jimenez. Në qendër të mesfushës do të luajnë Reijnders dhe Fofana, me këtë të fundit që do të vlerësohet deri në minutën e fundit për të parë kushtet fizike para sfidës.
Nga ana tjetër, Bolonja i gëzohet faktit që janë rikthyer Holm dhe Ndoje, edhe pse asnjëri prej tyre nuk pritet ta nisin nga minuta e parë. Në portë do të jetë i përhershmi Skorupski, ndërsa në krahun e djathtë të mbrojtjes me katër do të jetë një ish-milanist si Kalabria. Në të majtë do të jetë Miranda, ndërsa qendra do të plotësohet nga Lukumi dhe Bjukema. Para mbrojtjes, do të vendosen Ferguson dhe Remo Frojler. I vetëm në sulm pritet të konfirmohet Dalinga që do të mbështetet nga Rikardo Orsolini, Odgard dhe Kambiagi.
PANORAMASPORT.AL
