Luka Modriç do ta mbyllë me Real Madridin pas Botërorit të Klubeve dhe që tani kanë nisur spekulimet për të ardhmen e futbollistit kroat Të shumta janë hipotezat në mediat ndërkombëtare për futbollistin, i cili dëshiron të qëndrojë në aktivitet edhe një tjetër vit për të shijuar mundësisht Botërorin e vitit 2026.
Për shumëkënd, projekti ideal për të do të ishte ai amerikan i Inter Majemit.
Ky i fundit ka mbledhur disa emra të njohur të futbollit botëror që janë në fundin e karrierës, si Lionel Mesi, Luis Suarez, Zhordi Alba e Serxhi Buskets. Afrimi i Luka Modriç do të ishte një tjetër pjesëz që i shtohet klubit në pronësi të Dejvid Bekam, i cili synon të bëhet emri kryesor në MLS.
Bëhet e ditur se Inter Majemi në fakt e ka kërkuar kroatin që në vitin e kaluar, duke u interesuar vazhdimisht për situatën e tij kontraktuale.
Sipas lajmeve paraprake në mediat ndërkombëtare, për Modriç është gati një kontratë njëvjeçare deri pas përfundimit të Botërorit, me një rrogë prej 2,5 milionë dollarësh.
