Pas dështimit për t’u shpallur kampion i Italisë, mesfushori Kristjan Asllani ka thënë se synimi i Interit është triumfi në Ligën e Kampionëve.
Interi doli nënkampion në Serie A, ndërsa do të luaj në finalen e Championsit kundër Paris Saint-Germainit.
Finalja luhet të shtunën prej orës 21:00 në stadiumin “Allianz Arena” dhe kjo është mundësia e vetme e Interit për ta mbyllur sezonin me trofe.
Asllani ka thënë se tek Interi tashmë po mendojnë për Ligën e Kampionëve dhe dështimin në kampionat duan ta kompenzojnë me trofeun më prestigjioz të Evropës.
Mesfushori i Shqipërisë ka vlerësuar PSG-në, por ka shtuar se Interi për të arritur deri në finale ka eliminuar Bayern Munchenin dhe Barcelonën.
