Kapiteni Atik Koshi do të jetë pjesë e KB Vëllaznimit edhe për sezonin 2025/26, ka njoftuar ekipi nga Gjakova të martën.
Në njoftimin e KB Vëllaznimit, thuhet se marrëveshja me Koshin është e vlefshme edhe për sezonin e ri, që nis në muajin shtator.
Për Koshin, ky do të jetë sezoni i tretë rresht te Vëllaznimi, ekip me të cilin sezonin e fundit triumfoi në Ligën Unike.
Po ashtu, Vëllaznimi ka paralajmëruar edhe përforcime tjera pas zyrtarizimit të Koshit, në mënyrë që të jetë sa më i kompletuar për sezonin e ri.
Edhe në sezonin 2025/26, në krye të Vëllaznimit do të jetë trajneri nga Kroacia, Jeronimo Sharin.
