Max Verstappen do të transferohet në Gjermani ku e pret Mercedes edhe pse me Red Bull e lidh ende një kontratë, e cila i skadon në 2028-ën. Piloti kampion bote në fuqi i ka dhënë pëlqimin këtij transferimi përgjegjësit të shtëpisë automobilistike për Formulën 1, Toto Wolff.
Në këtë çështje ka gisht edhe një pjesë e mirë e bordit të Mercedes, të cilët janë të bindur se vetura e tyre do të jetë kompetitive vitin që vjen edhe me pilotë si Antonelli dhe Russell. Siç dihet ndryshimet e rregullave, të cilat do të implementohen duke nisur nga sezoni i ardhshëm pritet që të “ndihmojnë” shumë Mercedes-in, e cila prej gati dy vitesh po punon për veturën e 2026-ës.
