Për herë të parë në historinë e basketbollit profesionist brazilian, një femër do të drejtojë një ekip meshkujsh. Bëhet fjalë për serbo-australianen Jelena Todorovic, e cila është trajnerja e re e Fortaleza-s.
E lindur në Serbi dhe me shtetësi australiane, Todoroviç, vetëm 31 vjeç, ka një karrierë të shkëlqyer dhe ka qenë një lojtare kryesore në në zhvillimin e yjeve ndërkombëtarë si greku Giannis Antetokounmpo dhe australianët Patty Mills dhe Josh Giddey.
“Jam këtu jo vetëm si trajnere, por edhe si përfaqësuese e familjes sime, e popullit tim dhe e vendit tim. Dhe jam plotësisht e përkushtuar për të lënë gjurmë të rëndësishme dhe të qëndrueshme në basketbollin brazilian. Një gjurmë që tejkalon fitoret dhe humbjet dhe arrin zemrën e komunitetit”, deklaroi trajnerja e re një ditë më parë gjatë prezantimit të saj zyrtar.
