Mediet braziliane kanë zbuluar mëngjesin e sotëm se emri i Vinicius Junior nuk figuron në listën paraprake të përpiluar nga Carlo Ancelotti me emrat e futbollistëve, të cilët do të grumbullohen për dy takimet e fundit të Brazilit sa i përket Eliminatoreve të Botërorit 2026.
Motivi pas këtij vendimi duket se është një kombinimi i një vendimi teknik dhe dënimit që duhet të shlyej lojtari. Siç dihet sulmuesi i Brazilit mori kartonin e tretë të verdhë në fitoren e arritur nga kombëtarja e tij përballë Paraguajit (1-0). Ky karton e detyron Vinicius Junior që të mos luajë ndeshjen e 4 shtatorit përballë Kilit. Pesë ditë më vonë Brazili do të luajë në “El Alto” përballë Bolivisë dhe stafi drejtues ka menduar që t’i kursejë sulmuesit të Real-it sforco të tjera fizike pas një sezoni sfilitës.
