Me një lojtar më pak në fushë, në një sfidë të luftuar shumë edhe për faktin që Alexander Isak po lidhej me një kalim te Liverpooli, Newcastle United ishte shumë afër përmbysjes së madhe, por në minutën e 10-të shtesë, “Reds”, triumfuan 2:3, në stadiumin “St. James’s Park”.
Rivaliteti i madh ndërmjet Newcastle e Liverpool u rrit shumë, pas synimit të ekipit nga Anfield, që e kërkoi suedezin Isak.
Kjo bëri që ndeshja e së hënës të kishte shumë tensione, me 19 ndërhyrje, dhe një karton i kuq, për faullin e ashpër të Anthony Gordon, që la vendësit me një lojtar më pak në fushë.
Mysafirët kaluan në epërsi pas 35 minutave lojë, përmes Gravenberch që shënoi një gol të bukur.
Epërsinë fizike të një lojtari më shumë, Liverpooli e shfrytëzoj duke shënuar golin e dytë me Hugo Ekitike, në start të pjesës së dytë.
U mendua se kjo ndeshje do t’i takojë ekipit të Arne Slot, por pjesa e dytë foli vetëm në favor të “Laraslave të zeza”.
Bruno Guimaraes shënoi për 1:2 pas gati një ore lojë, derisa barazimin e solli William Osula, në minutën e 88-të.
Në shtesë, Rio Ngumoha shënoj për fitoren e dytë të Liverpoolit në dy javët e para.
