Manchester City pëson humbjen e dytë radhazi në javën e tretë të Premier League (pas asaj kundër Tottenham). Skuadra e drejtuar nga Pep Guardiola është mposhtur me rezultatin 2-1 në transfertë nga skuadra e Brighton.
Qytetarët e nisën mjaft mirë sfidën dhe në minutën e 34-ët arritën të kalojnë në avantazh me anë të Haaland. 1-0, rezulta që mbylli pjesën e parë.
Pas pjesës së parë, intensiteti i ekipit të Guardiolës ra, ndërsa vendasit e rritën ritmin dhe në minutën e 67-të barazuan rezultatin falë një penalltie të shndërruar në gol nga James Milner. City u lëkund, ndërsa Brighton u shfaq i sigurt dhe i guximshëm. Në minutën e 89-të, ekipi vendas kompletoi rikthimin, me Mitoma që dha asistin për golin e 2-1 që mban firmën e Brajan Grudës, me vlerë tri pikë.
Brighton siguroi fitoren e parë të sezonit, duke u ngjitur në katër pikë, ndërsa Manchester City mbeti i bllokuar në tre.
