Lajmi ka qarkulluar për disa kohë dhe tani, sipas ESPN, ideja e përballjes së talenteve më të mira të basketbollit amerikan kundër atyre nga pjesa tjetër e botës duhet të marrë formë në ndeshjen e ardhshme “All-Star”.
Ndeshja, e cila do të zhvillohet shkurtin e ardhshëm në stadiumin e ri “Intuit Dome” në Los Angeles, (shtëpia e Clippers), pritet të jetë një turne “triangolar” midis dy ekipeve të përbëra nga lojtarë amerikanë dhe njëra me yje nga e gjithë bota që kanë ardhur në NBA.
Nga njëra anë, Nikola Jokic, Giannis Antetokounmpo, Luka Doncic, Shai Gilgeous-Alexander dhe talentet e tjera të basketbollit botëror; nga ana tjetër, ata të lindur dhe të rritur në Shtetet e Bashkuara, ndoshta me veteranët LeBron James dhe Steph Curry që udhëheqin lojtarë si Anthony Edwards dhe Jalen Brunson.
Ëndrra e një SHBA-je kundër pjesës tjetër të botës, e çmuar prej kohësh nga tifozët dhe entuziastët, dhe ndoshta një rezultat i pashmangshëm në një botë basketbolli gjithnjë e më të globalizuar, më në fund mund të bëhet realitet në Lojën e ardhshme “All-Star”.
