Kombëtarja e Shqipërisë në futboll, e ka fituar miqësoren ndaj Gjibralarit.
Ndeshja e luajtur të enjten në Gjibraltar, përfundoi me fitoren minimale 1:0 të Shqipërisë.
Golin e vetëm dhe të fitores në këtë miqësore, Shqipëria e shënoi nga penalltia në pjesën e dytë.
Ishte Jasir Asani, ai që realizoi nga pika e bardhë në minutën e 69-të pasi njëri prej lojtarëve të Gjibraltarit luajti me dorë brenda zonës.
Për Shqipërinë, kjo ishte një ndeshje përgatitore para duelit me Letoninë, që e luan të martën e ardhshme në Tiranë në kuadër të kualifikimeve për Kampionatin Botëror 2026.
Teilen:
