Gjyqtarët kosovarë po tregojnë veten në arenën ndërkombëtare

Prej disa vitesh, gjyqtarët nga Kosova po shfrytëzojnë mundësitë për të dëshmuar profesionalizmin e tyre në garat ndërkombëtare.

UEFA i ka besuar gjyqtarit të njohur kosovar, Genc Nuza, drejtimin e një ndeshjeje kualifikuese për Kampionatin Evropian U-21.

Nuza, së bashku me ekipin e tij të gjyqtarëve – Fatlum Berisha, Hekuran Osmani dhe Mentor Ajeti – do të gjykojnë përballjen mes Maqedonisë së Veriut dhe Italisë, e vlefshme për kualifikimet e
Evropianit U-21, i cili do të mbahet pas dy vitesh në Shqipëri dhe Serbi.

Ata do të ndajnë drejtësi në ndeshjen që do të zhvillohet nesër në stadiumin “Petar Milloshevski” në Manastir. /ATVLIVE.TV