Kombëtarja e Spanjës dhuroi spektakël duke shkatërruar Turqinë 6–0 në ndeshjen kualifikuese të Botërorit, por pas përfundimit të takimit ndodhi një episod i pazakontë që tërhoqi vëmendjen e medieve.
Sipas raportimeve të Beyaz ‘Futbol’, talenti dhe lideri i “La Roja”, Lamine Yamal, humbi pasaportën e tij në stadium. Futbollisti 18-vjeçar kërkoi gjatë në dhomat e zhveshjes dhe në ambientet përreth, por dokumenti nuk u gjet. Yamal u detyrua të largohej nga stadiumi pa pasaportë, duke i shtuar një notë të çuditshme mbrëmjes së fitores së thellë spanjolle.
Ndërkohë, në planin sportiv, një tjetër lajm i madh erdhi nga Mikel Merino, i cili vazhdon një formë të jashtëzakonshme. Mesfushori ka realizuar gjashtë gola në gjashtë ndeshje për Spanjën gjatë vitit 2025 dhe u bë mesfushori i dytë në historinë e Spanjës që arrin një “hat-trick” në një ndeshje të vetme.
Spanjollët, megjithatë, patën edhe një shqetësim: Nico Williams pësoi një dëmtim muskulor dhe u detyrua të linte fushën në minutën e 44-t, duke ia lënë vendin Ferran Torres.
Një natë e përkryer për Spanjën në fushë, por me një incident të veçantë jashtë saj, që e bëri Lamine Yamal protagonist edhe për arsye krejt të ndryshme nga futbolli.
🚨ÖZEL GÖRÜNTÜ| Lamine Yamal pasaportunu kaybetti.
Maçtan sonra uzun süre pasaportunu arayan, soyunma odasına geri dönüp pasaportu için oraya da bakan Lamine Yamal, pasaportunu bulamadan stadyumdan ayrıldı. @beyazfutbol pic.twitter.com/bDFmVfwjvn
— Emir (@emirkiliccetinn) September 7, 2025
